මහජන එක්සත් පෙරමුණ හා මාර්තු 12 ව්‍යාපාරය අතර සාකච්ඡාවක්
මාර්තු 12 ව්‍යාපාරය හා මහජන එක්සත් පෙරමුණේ නායක පා.ම දිනේෂ් ගුණවර්ධන මහතා අතර සාකච්ඡාවක් අද (17) පැෆ්රල් කාර්යාලයේදී පැවැත්වින.
![\"\"](\"/user_images/image/LGA_16/Dinesh_G.jpg\")
මාර්තු 12 ව්‍යාපාරය හා මහජන එක්සත් පෙරමුණේ නායක පා.ම දිනේෂ් ගුණවර්ධන මහතා අතර සාකච්ඡාවක් අද (17) පැෆ්රල් කාර්යාලයේදී පැවැත්වින.
ඉදිරි පළාත් පාලන මැතිවරණයට අපේක්ෂකයින් තෝරාගැනීම සම්බන්ධයෙන් මෙම සාකච්ඡාවේදී මූලික අවධානය යොමුවිය.
එහිදී මාර්තු 12 ව්‍යාපාරයේ නියෝජිතයින් පෙන්වාදුන්නේ ඉදිරි පළාත් පාලන මැතිවරණය ලැයිස්තු ක්‍රමයක් මත පදනම් වන නිසා ඡන්දදායකයින්ට සිය නියෝජිතයින් තෝරාගැනීමට ඇති අයිතිය සීමාසහිත වන බැවින් ඉතාමත් සුදුසු අපේක්ෂකයින් තෝරාගැනීමේ වගකීම ඇත්තේ දේශපාලන පක්ෂවලටම බවයි.
මේ සම්බන්ධයෙන් සාකච්ඡාවට සහභාගීවූ මහජන එක්සත් පෙරමුණේ නායක දිනේෂ් ගුණවර්ධන මහතා ඇතුළු මහජන එක්සත් පෙරමුණේ නියෝජිතයින් එකඟතාව පලකර සිටි අතර මැතිවරණය දිගින් දිගටම කල්යාම සම්බන්ධයෙන්ද මෙම සාකච්ඡාවේදි අවධානය යොමුවිය.
මාර්තු 12 ව්‍යාපාරය නියෝජනය කරමින් පැෆ්රල් විධායක අධ්‍යක්ෂ රෝහණ හෙට්ටිආරච්චි, රයිට්ස් නව් විධායක අධ්‍යක්ෂ සුදර්ශන ගුණවර්ධන, ට්‍රාන්ස්පේරන්සි ඉන්ටර්නැෂනල් විධායක අධ්‍යක්ෂ අසෝක ඔබේසේකර, හා ශාන් විජේතුංග ,පැෆ්රල් අධ්‍යක්ෂ මණ්ඩල සාමාජික ඩීන් මහත්වරුන් හා පැෆ්රල් ව්‍යාපෘති නිලධාරීනී උපේක්ෂි ප්‍රනාන්දු මෙනෙවිය ඇතුළු පිරිසක් එක්වූහ.
