පීඩාවට පත් පිරිස් වලට පැෆ්රල් දායකත්වයෙන් සහන
සමස්ත ලෝකය පුරාම දරුණු ලෙසින් පැතිර යන කොවිඩ් වසංගතය ශ්‍රී ලංකාවාසීන්ගේද ජනජීවිත අඩාල කිරීමට සමත්ව ඇත.
මෙම තත්ත්වයෙන් පීඩාවට පත්ව සිටින ශ්‍රී ලංකාවාසී ජනතාව වෙනුවෙන් කොවිඩ් 19 වසංගතයේ පළමු රැල්ලේදීද පැෆ්රල් සංවිධානයේ මැදිහත්වීමෙන් යම් යම් සහන සැලසීමේ වැඩසටහන් ක්‍රියාත්මක කල අතර මෙවරද එම සහන සැලසීමේ ක්‍රියාවලිය සිදුකිරීමට සමත්ව ඇත.
ඒ අනුව කලුතර දිස්ත්‍රික්කයේ වැඩිහිටි හා ළමා නිවාස සඳහා වියළි ආහාර ලබාදීම පැෆ්රල් සංවිධානයේ මුල්‍ය දායකත්වය මත ඒෂියා ලංකා පදනම මගින් පසුගියදා සිදුකරන ලදී.
මෙවැනි අසීරු අවස්ථාවක සමාජයේ විශේෂ අවධානයට ලක්විය යුතු කණ්ඩායම් වෙනුවෙන් අඛණ්ඩවම සිය මැදිහත්වීම් හරහා සහන සැලසීමට සිය දායකත්වය ලබාදෙන බවට පැෆ්රල් විධායක අධ්‍යක්ෂ රෝහණ හෙට්ටිආරච්චි මහතා පැවසීය.
